kitangoma-partii

Mambo ya full shangwe

2006-09-11T13:36:00.000+03:00

mambo ya full shangwe haya, vipi mtu wangu unasemaje, Fiesta liendelee ama lisiendelee ndani ya Bongo !!?

Kamongo umemfanya nini Pegee..!

2006-07-28T13:28:00.000+03:00

Msanii anaedumisha mila yake, Mr Ebo juu ya steji ndani ya Fiesta full shangwe 2006, jijini Mwanza CCM kirumba, msanii huyu aliwakuna vilivyo washabiki wake kwa wimbo wake wa kamongo ambao umetokea kupendwa mno.

Watoto wa Mzee Madiba

2006-07-28T13:17:00.000+03:00

Baadhi ya Wasanii wa kundi la Mina Nawe kutoka nchini Afrika ya Kusini pia walikuwepo ndani ya fiesta Full Shangwe ndani ya jiji la mwanza CCM Kirumba

msanii kujituma jukwaani.!

2006-07-28T13:06:00.000+03:00

Msanii wa bongofleva ,Khalid Mohamed a.k.a TID akionesha umahiri wake ndani ya tamasha la Fiesta 2006 lililofanyika kwenye uwanja wa CCM Kirumba Mwanza.

full shangwe ndani ya mwanza

2006-07-28T12:04:00.000+03:00

umati mkubwa wa watu ndani ya uwanja wa CCM Kirumba jijini Mwanza wakifurahia muda wao ndani ya tamasha la Fiesta full shangwe 2006.

Miss Kino huyoo.!,Nadya

2006-07-16T13:30:00.000+03:00

Washindi wa mashindano ya urembo wa kanda ya Kinondoni yaliyofanyika ndani ya Ubungo Plaza, kule Ubungo, Mshindi ni huyo kati Nadya Mohamed ambae pia alijinyakulia zawadi nono likiwemo gari

jamani mko tayari kwa Ja Rule ndani ya Fiesta

2006-07-16T13:17:00.000+03:00

Fiesta bus tour kama linavyoonekana katika hatua za awali kabisa, hayo yote yakiwa ni maandalizi ya tour kubwa ya fiesta ambayo itafanyika zaidi ya mikoa kumi

Kinyonga.!

2006-07-12T15:19:00.000+03:00

Msanii mahiri kutoka nchini Uganda Josee Chamelion pia atakuwepo ndani ya Fiesta full shangwe 2006.

Msanii huyu amepata mafanikio makubwa kwa upande wa anga ya muziki kwake na hata kwa nchi yake kiujumlaa.Amekuwa akifanya maonesho kadhaa mara kwa mara nje ya nchi, hasa nchi za Ulaya ambako amekuwa akipata mialiko mingi

Fiesta full shangwee

2006-07-12T15:10:00.000+03:00

Uko tayari mtu wa mwanza, Fiesta hiyooo kaa mkao wa kupati tuuu ! naamini mtakuwa mmechanga changa vichele chele kibao kwa ajili ya kura raha ndai ya fiesta mwanza, unajua nini mtu wangu hutakiwi kukosa kwani ndio fiesta ya mwisho kufanyika!

Mheshimiwa Amina Chifupa

2006-07-11T15:08:00.000+03:00

Mheshimiwa Mbunge wa viti maalumu, Amina Chifupa Mpakanjia,akiwa ndani ya moja ya hospitali ambapo alitoa misaada mbalimbali ndani ya hospitali tatu za wilaya(Kinondoni, Ilala pamoja na Temeke) kabla ya kuukwaa Ubunge

Wanauumee.!

2006-07-11T11:47:00.000+03:00

Baadhi ya wasanii wa kundi la Wanaume wakiwa jukwaani katika moja ya maonesho yao!

Wanaume ni moja ya kundi ambalo limejipatia na linaendelea kujipatia mafanikio siku hadi siku, yote hiyo inatokana na kujituma vilivyo katika kazi ya yao ya muziki, huku pia wakiamini kuwa muziki ni kazi kama kazi nyingine mabayo inapaswa kuheshimiwa na kuthaminiwa.

Moja ya waimbaji nyota wa muziki wa Injili

2006-07-11T11:31:00.000+03:00

Debora Shaabani ni moja ya waimbaji nyota wa nyimbo za muziki wa Injili (gospel) ! hapa nchini Tanzania.

Muziki huo kwa sasa umekuwa ukilalamikiwa na baadhi yao kuwa umevamiwa na Wanamuziki feki, Mapromota uchwara na hata malipo yao yamekuwa hayaridhishi. Wakihoji malipo zaidi ..! wanaambiwa ati hawapaswi kulipwa sana kwa sababu wanafanya kazi ya Mungu.!

Je hii ni sawa.?

Wizi wa kazi za Wasanii

2006-07-11T11:18:00.000+03:00

Chama cha mtandao wa Wanamuziki hapa Tanzania, kinatarajia kufanya kampeni kabambe ya kupambana na wizi wa kazi za Wasanii uliokithiri kwa kiasi kikubwa.

Rais wa chama hicho na mwanamuziki wa bendi ya The Kilimanjaro Band ‘Wananjenje’, John Kitime alieleza kuwa kampeni hiyo itaambatana pamoja na uzinduzi wa nembo mpya (inayoitwa HAKIGRAM) itakayotumika kuzuia uharamia huo unaofanywa na baadhi ya Watu wachache kwa manufaa yao binafsi.

“tunatarajia kufanya kampeni kubwa sana ya kuielimisha jamii pamoja na kuitangaza nembo hiyo mpya ambayo itawekwa kwenye kanda za kaseti,Video,VCD,DVD,ambayo itasaidia kuzuia uharamia huo,

nembo hiyo itatolewa na kutangazwa kwenye vyombo vya habari yakiwemo magazeti, redio,na televisheni. Yote hiyo ni kutaka kuleta muamko ndani ya jamii, itambue kuwa kuna kitu cha namna hiyo wanapaswa kukifahamu”,alieleza Rais Kitime.

Changamoto hiyo pia itakuwa ni kwa Wafanyabiashara wote wa kazi hizo, kuhakikisha kuwa wanauza kazi za Wasanii zikiwa tayari na nembo hiyo, kinyume cha hapo watakuwa wamekiuka na watachukuliwa hatua za kisheria juu ya masuala ya hakimiliki.

“Wafanyabiashara watapaswa kuweka alama hiyo katika kazi za wasanii watakazokuwa wanaziuza, kutokuweka alama hiyo litakuwa ni kosa la jinai, hivyo kifungu cha sheria ya masuala ya hakimiliki kitatumika, ambapo muhusika akibainika atalipa faini ama kifungo”,alifafanua zaidi raisi huyo.

Aidha rais Kitime alimaliza kwa kueleza kuwa katika kampeni hiyo nembo hiyo itaonyeshwa ilivyo, itaelezwa ni namna gani itawasaidia Wafanyabiashara, wasanii,wanajamii halikadhalika na Serikali katika suala zima la ukusanyaji kodi.

Dogo Ditto

2006-07-06T16:14:00.000+03:00

Msanii Dogo Ditto akionesha umahiri wake wa kuimba akiwa jukwaani, kweli ni msanii mwenye kipaji na ni mmoja wa lile kundi lililosambaratika la Watu Pori

Mfalme wa Rhymes

2006-07-06T15:51:00.000+03:00

Msanii wa muziki wa kizazi kipya Mfalme na mkali wa Rhymes Bongo Seleman Msindi a.k.a Afande Sele akidhihirisha ufalme wake mbele ya mashabiki lukuki kama wanavyoonekana kwenye picha.

Msanii huyo alikuwa ndani ya kundi la wasanii watatu ambalo walijiita Watu Pori, majina yao ni Dogo Ditto pamoja na Koba,lakini kwa bahati mbaya, kundi hilo limejikuta njia panda na kusambaratika kabisa, hivyo Afande Sele kuwa kivyake na Dogo Ditto na mwenzakeKoba wakiwa bado wako pamoja.

Kapten G-Habash

2006-07-06T15:40:00.000+03:00

Mtangazaji wa Clouds Fm, Capten G-Habash akiongoza kipindi chake cha mchana kiitwacho Jahazi, ambacho hurushwa hewani kuanzia saa sita mchana mpaka saa nane.

Ngwair

2006-07-06T10:52:00.000+03:00

Msanii wa miondoko wa kizazi kipya ajulikanae kwa jina la kiusanii Mangwair akiwa ndani ya hotel ya Royal Palm, pembeni yake ni baadhi ya mabinti wa Kibongo akibadilishana nao mawazo !

Dj wa kike Clouds

2006-07-06T10:46:00.000+03:00

Moja ya Ma-Dj wachache sana hapa nchini ! Huyu ni Dj Fetty wa Clouds Fm 88.4 akifanya mambo.Kiukweli ni moja ya Dj wa kike anayeonekana kuja juu katika fani hiyo ya U-Dj.

Diii diiina Marios

2006-07-06T10:39:00.000+03:00

Dina Marios akitangaza ndani ya studio za Clouds Fm katika kipindi cha Leo tena ambacho huanza majira ya saa tatu asubuhi mpaka saa sita mchana

Yosour Ndour

2006-07-06T10:25:00.000+03:00

Mwanamuziki nyota na maarufu kutoka nchini Senegal akizungumza na mkurugenzi wa Clouds Fm Bw. Joseph Kussaga mara tu alipotua jijini Dar na kufanya onesho kubwa ndani ya ukumbi wa diamond jubilee.

pamoja na kufanya onesho kubwa la aina yake , Yosour Ndour pia alitoa msaada wa vitabu kwa baadhi ya shule.Ujio wa mwanamuziki huyo ulidhaminiwa na kampuni ya simu za mikononi ya Celtel

Dj Steve B a.k.a Skills

2006-07-02T13:24:00.000+03:00

Dj Steve B a.k.a Skills akifanya vitu vyake ! Dj huyu inasemekana ni muanzilishi wa jina la bongofleva, ambalo kwa sasa linatambulika kuwa ni muziki wa kizazi kipya ! na kweli jina hilo limekubalika na kukaa mahali pake ! hata baadhi ya Wasanii (na Ma-Dj wenzake ) wa muziki huo wanatambua mchango wa Dj Steve B a.k.a Skillz

Clouds Crew

2006-06-30T13:44:00.000+03:00

Baadhi ya Watangazaji wa Clouds Fm 88.4.

kutoka kulia ni Dinna Marrios mtangazaji wa kipindi cha Leo tena,Dj Steve B,B 12,Tyana pamoja na Dj wa kike pekee ndani ya redio hiyo Dj Fetty!

Shaggy hewani

2006-06-30T10:54:00.000+03:00

Wakati mwingine si Washabiki na Wapenzi tu wanaopagawa raha ya muziki wawapo mahali popote pale, aidha ukumbini, jukwaani na kwingineko!Hata Wanamuziki nao huonesha kuchizika kwao na muziki.

Shaggy anadhihirisha hilo wazi kabisa kuwa muziki ulimkuna vilivyo kiasi hata ya kuonesha ni kiasi gani nae wakati mwingine huchizika na muziki awapo jukwaani ! hapa akiwa ameruka hewani kama ambavyo kamera ya Kitangoma ilivyomdaka msanii huyu

Shaggy alivyomkuna binti huyu

2006-06-29T17:33:00.000+03:00

Msanii nguli na mahiri wa miondoko ya reggae na dance hall kutoka nchini Marekani Shaggy, (Mzaliwa wa Jamaica) akicheza jukwaani na mmoja wa mashabiki waliofika kulishuhudia onesho lake la pili ndani ya mji wa Arusha.

Shaggy alitua jijini Dar na kufanya onesho lake la kwanza kabambe ndani ya ukumbi wa diamond Jubilee na kuwakuna wengi wakiwemo mabinti na akina mama kwa asilimia kubwa!

Ziara ya T.O.K. ndani ya Bongo

2006-06-28T13:51:00.000+03:00

wasanii wa kundi la T.O.K kutoka nchini Jamaica wakiwa ndani ya studio za Clouds FM 88.4 zilizoko jengo la kitega uchumi jijini Dar.Wasanii hao pia walifanya onesho kabambe ndani ukumbi wa Diamond Jubilee !

Collabo la Pro Jay na Lady J Dee

2006-06-28T12:41:00.000+03:00

Wasanii wa bongo, Lady J Dee pamoja na Pro Jay wakiimba kwa pamoja jukwaani!

Wasanii hawa wamepata mafanikio makubwa kimuziki kiasi hata cha wigo wao kisanaa unazidi kutanuka siku hadi siku.

Lady Jay Dee kwa sasa anamiliki studio yake binafsi.!,

‘Ubunifu wawakwaza wasanii wa Injili’

2006-06-28T12:30:00.000+03:00

Kama wanenavyo wahenga nyota njema huonekana tangu asubuhi. Usemi huu unadhihirishwa wazi na mmoja wa wasanii nyota wa muziki wa Injili kwa sasa, Frola Mbasha.

Frola Mbasha nyota yake ilianza kung’ara rasmi tangu mwaka 2004, alipojinyakulia tuzo ya msanii mpya wa kike, zilizofanyika ndani ya ukumbi wa Diamond Jubilee.

Ni moja kati ya Wasanii nyota wanaoutikisa Ulimwengu wa muziki wa Injili vilivyo kwa sasa, hasa baada ya kazi zake kadhaa kukubalika na kupokelewa vyema ndani ya Jamii.

Licha ya kukubalika na kupokelewa vyema ndani ya muziki huo, Frola hakubweteka wala kukata tamaa, akaamua kuingia studio na hatimaye kuibuka na albamu yake ya kwanza.

Akizungumza na Kitangoma hivi karibuni nyumbani kwake Tabata Kimanga, Frola alieleza kuwa albamu yake hiyo iliitwa ‘Jipe Moyo’ akishirikiana na mumewe Emanuel Mbasha.

Alisema kuwa albamu hiyo ilikuwa na jumla ya nyimbo kumi,ambazo zote zilirekodiwa ndani ya studio ya Backayard Production iliyoko Msasani, jijini Dar.

Albamu hiyo imenunuliwa sana tangu ilipoingizwa sokoni, hasa kutokana na kiwango cha ubora mpaka nyimbo zilizokuwemo ndani ya albamu hiyo viliigusa sana Jamii.

Frola anazitaja nyimbo zilizomo ndani ya albamu hiyo kuwa ni Maisha ya ndoa,Hakuna tatizo,Ukimwi,Yu karibu, Aliteseka,Tunaye bwana,Majaribu,Aksante,Kila jambo pamoja na wimbo uliobeba albamu wa Jipe moyo.

Baada ya kutoka na albamu yake ya kwanza, mafanikio ya kazi yake yakazidi kuonekana.Frola anaeleza kuwa sasa anatambulika na kuheshimika zaidi ndani ya jamii.

Anaeleza kuwa amefanikiwa kutengeneza wigo mpana wa kufahamika, ameshiriki matamasha mbalimbali ya muziki wa Injili,na hata serikali imewahi kumtumia katika kampeni za uchaguzi wa raisi.

Frola kwa sasa anatamba na wimbo wake mpya wa Tanzania, mbao pia umezidi kumpatia sifa.Wimbo huo ukiwa ndio wa kwanza kutolewa na kuanza kupigwa redioni, ikiwa ni maandalizi ya albamu yake mpya ya pili.

Frola pamoja na kufanikiwa kwake, lakini hasiti kuelezea dosari zinazojitokeza ndani ya muziki huo, ambapo anadai kuwa nyimbo nyingi zimekuwa ni za kukopi tu.

“Wasanii wengi wa muziki huu (Injili) hawana ubunifu wa kutosha. Kumekuwepo na tabia iliyokithiri ya kukopi kazi za wanamuziki wengine kutoka nje,ukisikiliza kwa makini utabaini kuna ukweli ndani ya jamabo hilo.

“Kwa mtindo huo ni vigumu muziki wetu kufanikiwa kutoka nje ya Tanzania.Muziki wetu utakuwa unakubalika hapa hapa tu lakini nje ya nchi hautokubalika”,anasema Frola Mbasha

Anaweka wazi kuwa kama tabia hiyo haitakoma, basi muziki huo utaendelea kudhoofika na kudumaa badala ya kuendelea mbele,hautaweza kulikamata soko la Kimataifa kama wanavyodhani.

Frola anazidi kubainisha kuwa pia kumekuwepo na tatizo sugu kutoka kwa baadhi waandaji wa muziki huo kuwa na tabia ya ubabaishaji katika suala zima la malipo ya kutosha kwa wasanii husika.

“Wasanii wa muziki wa injili wamekuwa wakilipwa malipo kidogo kutokana na waandaji kuwa na dhana ya kuamini kuwa wasanii hao hawapaswi kulipwa malipo ya kutosha kwa sababu wanamuimbia Mungu,

“Kwamba sisi wasanii wa muziki wa nyimbo za injili hatuihitaji chochote,wanatufanya kama biashara, kumbe wamesahau wanatakiwa kumtanguliza Mungu zaidi kuliko kuangalia biashara zao”,anaeleza Frola kwa masikitiko makubwa.

Akielezea suala la mavazi ndani ya muziki huo, Frola anasikitishwa na tabia ya uvaaji wa mavazi holela kwa baadhi ya Wasanii, akisisitiza kuwa mavazi yao yamekuwa si ya heshima wawapo jukwaani.

“Waimbaji wajaribu kuvaa mavazi ya heshima, kwa sababu kazi tunayoifanya ni kwa ajili ya kumuimbia Mungu, pia sisi ni kioo cha Jamii,tunaielimisha, kuiburudisha na kuikosoa jamii, hivyo yatupasa tubadilike”,alisema Frola.

Akifafanua zaidi, Frola alisema kuwa kutokana na muziki wa injili kukubalika, Wasanii wanapaswa kubadilika kwa kiasi kikubwa ili kuleta mandhari ya tofauti sanjari na kukua kwa muziki huo.

“Muziki wa Injili umekubalika, wasanii tunapaswa kubadilika ili kwenda sambamba na wimbi hilo, likiwemo suala la kuboresha jukwaa, mavazi na hata muonekano wa msanii mwenyewe awapo juu na hata nje ya jukwaa.

“Watayarishaji wa muziki huo pia wanapaswa kuwa makini,wasipende kurahisisha kazi na kuzitanguliza pesa mbele, wakubali kuumiza vichwa ili kuongeza ubunifu zaidi ndani ya muziki wa Injili”,anasema Frola.

Frola ambaye ni mtoto wa pili katika familia ya watoto watano ya Askofu maarufu na mashuhuri ndani na nje ya nchi mzee Mosses Kurola, anaeleza kuwa muziki wa injili unahitaji ubunifu zaidi.

Akielezea suala la hakimiliki na wizi wa kazi za wasanii, Frola anakitupia lawama chama cha hakimiliki nchini (COSOTA ), kuwa nguvu wanayo lakini wamebweteka.

“COSOTA wana uwezo mkubwa wa kuleta mabadiliko makubwa katika kupambana na wezi wa kazi za wasanii, ukweli ni kwamba wamebweteka mno, ndio maana wasanii wengi wanakata tamaa ya kujiunga na chama hicho.

“Wengi wamekamatwa kwa wizi wa kazi za wasanii, lakini hakuna hata mmoja ambaye tumesikia amechukuliwa sheria zinazotahili, matokeo yake wimbi ndio linazidi kila kukicha”,anasema Frola

Anaiomba serikali iliangalie suala hili kwa umakini zaidi, kwani wasanii kupitia kazi zao wana uwezo mkubwa wa kuiingizia mapato makubwa Serikali kuliko fani yoyote, hivyo wasipuuzwe.

Akifafanua juu ya tuzo zinazotolewa kwa wasanii wa muziki wa injili, Frola alisema kuwa hizo pia zinahitaji kuboreshwa zaidi, vinginevyo zitapoteza maana yake halisi.

“Tuzo za injili zinahitaji marekebisho na kuboreshwa zaidi,tuzo za safari hii kulikuwapo na matatizo mengi sana, lakini waandaaji wa tuzo hizo wanapaswa kuyaangalia yote hayo,

“Kwa upande mwingine tuzo pia zinachangia sana kushusha kiwango cha msanii, hasa kama kuna makosa yasiyo na ulazima wowote kujitokeza”,anaeleza Frola

Msanii huyu alianza kuimba muziki wa injili tangu akiwa mdogo, lakini baadaye alijiunga na kikundi cha kwaya mkoani Mwanza kinachoitwa Bugando Devine Singers.

Anasema baada ya kufunga ndoa na mumewe aitwae Emmanuel Mbasha, akajitoa ndani ya kundi hilo na kuwa msanii wa kujitegemea mpaka sasa.

Frola ameolewa na mumewe Emmanuel Mbasha na Mungu akawajalia kupata mtoto mmoja wa kike aitwaye Elizabeth.

Frola anamalizia kutoa ushauri kwa wasanii wenzake kuwa wajenge tabia ya kushirikiana katika mambo mbalimbali, likiwemo suala la kushauriana, kusaidiana kwani wote wanaimba nyimbo za mungu.

Miss Tanzania hiyooo..!

2006-06-28T11:32:00.000+03:00

Miss Tanzania 2005/06,Nancy Sumari ! Muda wake wa kulikabidhi taji kwa mlimbwende mwingine wa mwaka 2006/07 umekaribia!

Mlimbwende huyu amefanya vizuri sana katikamedani ya mashindano hayo,Jee..! Safari hii mlimbwende atayekaimu kiti cha Nancy atafanya vizuri ? haya mimi na wewe na yule hatujui, kwa hivyo yetu macho au mnasemaje wadau .!

Huge Masekela

2006-06-28T11:17:00.000+03:00

Msanii mkongwe kutoka nchini Afrika ya Kusini Huge Masekela akionesha umahiri wake wa kupuliza mdomo wa bata (saxafon) alipofanya onesho lake ndani ya hotel ya Royal Palm, jijini Dar .

Hivi sasa Chombo hicho kinapulizwa na bendi mbili tu kwa hapa bongo, nazo ni Msondo pamoja na Sikinde.

Wakongwe hao wamekuwa wakilalama kuwa hakuna vijana wanaojitokeza japo kujifunza kupuliza chombo hicho, kwani wanaamini kabisa miaka kadhaa ijayo kutakuwa hakuna tena mtaalamu wa kupuliza chombo hicho chenye ladha ya aina yake ndani ya muziki.

Utamu ukikolea

2006-06-27T16:49:00.000+03:00

ukiwa muhudhuriaji mzuri ndani ya viwanja vya Lidaz Club, raha kama hizi si rahisi kuzikosa, jamaa anacheza Kwaito lakini ni kama vile anacheza Mugongo mugongo ya Twanga.!

Nonini?

2006-06-27T15:23:00.000+03:00

Hii itawafanya .....waamke na kushika wanawake waanze kukatika genge.Huyu ni msanii kutoka Naironbi,Kenya aaitwaye NONINI akiwa kazini..Genge ni aina ya muziki wa upendwao nchini Kenya ambao hapa kwetu twauita Bongo Flava.

Vimbwanga vya Wane Star

2006-06-27T14:42:00.000+03:00

Imedaiwa kuwa msanii nyota wa miondoko ya ngoma za asili almaarufu Wane Star amekuwa akikimbiwa na wandani wake mara kadhaa kutokana na aina ya kazi zake za usanii azifanyazo.

Hii imebainishwa wazi, tena hata bila kuficha na yeye mwenyewe (Wane Star) kuwa amekuwa akiwatokea warembo kadhaa, wenye imani tofauti, aidha Muislam ama Mkristo,kwa nia ya kuishi nao lakini wamekuwa wakimkimbia.

“Nikiwatokea wananikubali kama nikiwa sipo jukwaani, lakini nikionekana jukwaani tu yale mavazi yangu,muonekano wangu, ninavyocheza na nyoka basi hapo ujue nitakimbiwa na hatataka tena kuniona wala kusikia lolote kutoka kwangu,

mwingine nafanikiwa hata kufikia hatua ya kutaka kuoa, msichana ananikubali, tatizo linakuja kwa upande wa Wazazi wake wananikataa, sababu kubwa wanayonieleza ati kazi zangu za usanii ninazofanya ni za shetani ‘mapepo’,”,anaeleza Wane kwa masikitiko.

Anazidi kulonga kuwa ati hata kazi yake impayo mlo imekuwa ikipingwa zaidi na itikadi za Kidini na hata kufikia hatua ya kutengwa kwa namna moja ama nyingine, jambo ambalo anaeleza kuwa lilimsumbua sana hapo awali.

Wane aliyeanza kazi ya sanaa mnamo mwaka 1979, anasema kuwa hali hiyo kwa sasa ameizoea na wala haimpi taabu hata kidogo,anaeleza na kukiri kuwa kamwe hataacha kufanya kazi zake za usanii ati kwa sababu ya baadhi ya watu wanamchukia.

Ja-Rule

2006-06-27T12:37:00.000+03:00

Kaa tayari anakuja kuwashi.........kuwasshhhhiika

Ja-Rule

2006-06-27T12:12:00.000+03:00

Msanii wa Hip Hop kutoka nchini Marekani, Ja Rule na wasanii wa lebo ya muziki ya 'The Inc' kutua ubongo kwa shoo kabambe ndani ya tamasha la burudani la 'Fiesta 2006', unajua nini mtu wangu, yaani ni Full Shangwe babake ! kaeni mkao wa kula!

Zola Sebhe

2006-06-27T11:39:00.000+03:00

Msanii kutoka nchini Afrika Kusini, Zola Sebhe akiwaburudisha washabiki waliofika viwanja vya Lidaz Club katika maadhimisho yamiaka 30 ya mauaji ya Soweto !

Keisha na tuzo yake

2006-06-26T17:50:00.000+03:00

Msanii Khadija Shabani a.k.a Keisha akiwa na tuzo yake baada ya kutwaa tuzo ya albamu bora ya r & b mwaka 2006 zilizotolewa na Tanzania Kill Music Awards.

Suma Lee

2006-06-26T16:05:00.000+03:00

Msanii wa miondoko ya muziki wa kizazi kipya (bongofleva) Suma Lee a.k.a Mzee wa Chungwa akicheza jukwaani na moja ya wacheza shoo kutoka uganda ndani ya ukumbi wa Diamond Jubilee hivi karibuni jijini Dar

Cool bebe kutoka Uganda

2006-06-26T13:45:00.000+03:00

Msanii kutoka Uganda, Cool Bebe akiwakuna vilivyo wabongo ndani ya Bongo

Mambo ya rusha roho !

2006-06-26T13:31:00.000+03:00

kwa wale washabiki wa viwanja vya muziki wa taarab,mambo kama haya kuyaona ni kama kawa!

fiesta 2006 hiyooo.!

2006-06-26T12:53:00.000+03:00

Fiesta bus Tour likishuka taratibu mlima wa Selander likitokea mkoani Mwanza baada ya kumaliza tour ya Fiesta 2005 mkoani humo.Hivi sasa mambo ya fiesta yamekwishaanza kuiva, endelea kutega sikio Clouds Fm 88.4

Q-Chila kama nabii

2006-06-25T12:50:00.000+03:00

Q-Chilla akiiwaburudisha wanafunzi wa shule za Kimataifa za St. Marry katika onesho lililofanyika hivi karibuni ndani ya viwanja vya Lidaz Club, jijini Dar

akon

2006-06-17T17:52:00.000+03:00

mwanamuziki akon akiogelea kwenye bahari ya wabongo jana usiku alipofanya onesho kwenye ukumbi wa diamon jubilee dar es salaam.

2006-06-16T18:37:00.000+03:00